Ташкентте SUV сегментине тийисли Chevrolet Tahoe, Traverse, Trailblazer ҳәм Equinox жаңа автомобиллериниң презентациясы болып өтти. Жаңа модельлар премиум классқа тийсли автомобиллердиң сегментин толтырды.
Компания тарқатқан мағлыўматқа қарағанда, Trailblazer ҳәм Equinox автомобиллери ушын шәртнама дүзиў UzAuto Motors дилерлик орайларында бүгиннен басланады.
Tahoe ҳәм Traverse модельлерине шәртнамаларды тек Nurafshon Autocentre (Ташкент ўәлаяты) автосалонынан алыўға болады.
«UzAuto Motors өнимлери саўдасы әмелиятинан мәлим, елимиздеги тутыныўшылар бизнес-классқа тийсли автомобиллерди сатып алып атырғанда толық комплектациясын мақул көреди. Буған дәлил сыпатында – Malibu Turbo 2.0 LTZ ҳәм де Tracker LTZ автомобиллерин келтириў мүмкин. Усыларды инабатқа алған ҳалда Chevrolet Tahoe, Traverse, Trailblazer ҳәм Equinox автомобиллери жергиликли базарда тек толық комплектациясы менен усынылады», делинеди компания хабарында.
Әпиўайы комплектациядағы автомобильди сатып алыўды қәлеўшилер дилерге буйыртпа қалдырыўы яки info@uzautomotors.comқа жибериўи мүмкин. Зәрур мүғдарда буйыртпалар жийналғанынан соң компания усы автомобиллерди тутыныўшыларға жеткерип береди.
Автомобиль баҳалары:
EQUINOX
Басланғыш баҳалары: 225 652 174 сумнан
Redline LT комплектациясы: 303 478 261 сум
TRAILBLAZER
Басланғыш баҳалары: 264 347 826 сумнан
LTZ комплектациясы: 346 086 975 сум
TRAVERSE
Басланғыш баҳалары: 404 173 913 сумнан
Premier комплектациясы: 518 260 870 сум
TAHOE
Басланғыш баҳалары: 517 391 304 сумнан
Premier комплектациясы: 691 304 348 сум
*Баҳалар ҚҚСсыз көрсетилген.
ӨзА