“2026-2035-жылларда ракқа қарсы гүресиў бойынша Өзбекстан Республикасы миллий бағдарламасын әмелге асырыў илажлары ҳаққында”ғы қарар жойбары ислеп шығылды.

Оған бола, 2026-2035-жылларда рак кеселликлерине қарсы гүресиўдиң тийкарғы мақсетлери белгиленеди.

Атап айтқанда, қәўипли өспелер кеселликлерин ерте басқышларда анықлаў үлесин 45 проценттен 59 процентке шекем арттырыў;

қәўипли өсимте кеселликлери анықланған наўқаслардың бес жыллық өмир сүриў дәрежесин 40 проценттен 55 процентке жеткериў;

онкологиялық наўқаслардың кеминде 80 процентин заманагөй диагнозлаў ҳәм емлеў технологиялары менен қамтып алыў;

халық арасында ең көп ушырасатуғын ҳәм алдын алыў мүмкин болған рак кеселликлери (өкпе, жатыр мойны, асқазан ҳәм баўыр раги) менен кеселлениўди 5 процентке азайтыў нәзерде тутылған.

Сондай-ақ, Миллий бағдарлама тийкарында онкологиялық кеселликлерди ерте анықлаў, диагноз қойыў ҳәм емлеў системасы халықаралық стандартлар тийкарында жетилистириледи.

Республикалық қәнигелестирилген онкология ҳәм медициналық радиология илимий-әмелий медицина орайын Миллий онкология орайына айландырыў да нәзерде тутылмақта.

М.Қосимова, ӨзА