“2026-2035-jıllarda rakqa qarsı gúresiw boyınsha Ózbekstan Respublikası milliy baǵdarlamasın ámelge asırıw ilajları haqqında”ǵı qarar joybarı islep shıǵıldı.
Oǵan bola, 2026-2035-jıllarda rak keselliklerine qarsı gúresiwdiń tiykarǵı maqsetleri belgilenedi.
Atap aytqanda, qáwipli óspeler keselliklerin erte basqıshlarda anıqlaw úlesin 45 procentten 59 procentke shekem arttırıw;
qáwipli ósimte kesellikleri anıqlanǵan nawqaslardıń bes jıllıq ómir súriw dárejesin 40 procentten 55 procentke jetkeriw;
onkologiyalıq nawqaslardıń keminde 80 procentin zamanagóy diagnozlaw hám emlew texnologiyaları menen qamtıp alıw;
xalıq arasında eń kóp ushırasatuǵın hám aldın alıw múmkin bolǵan rak kesellikleri (ókpe, jatır moynı, asqazan hám bawır ragi) menen keselleniwdi 5 procentke azaytıw názerde tutılǵan.
Sonday-aq, Milliy baǵdarlama tiykarında onkologiyalıq keselliklerdi erte anıqlaw, diagnoz qoyıw hám emlew sisteması xalıqaralıq standartlar tiykarında jetilistiriledi.
Respublikalıq qánigelestirilgen onkologiya hám medicinalıq radiologiya ilimiy-ámeliy medicina orayın Milliy onkologiya orayına aylandırıw da názerde tutılmaqta.

M.Qosimova, ÓzA