Асунсьон қаласына сапары шеңберинде Өзбекстан Республикасы Инвестициялар, санаат ҳәм саўда министри Лазиз Қудратовты Парагвай Президенти Сантяго Пеня қабыл етти.

Сөйлесиўлерде базарларды басқышпа-басқыш ашыў ҳәм өз-ара саўда имканиятларын кеңейтиў бойынша әҳмийетли келисимлерге ерисилди.

Ушырасыў өткен жылы декабрь айында Шавкат Мирзиёев ҳәм Сантяго Пеня арасында саўда, инвестиция, энергетика ҳәм азық-аўқат қәўипсизлиги тараўларындағы бирге ислесиўди беккемлеў бойынша ерисилген келисимлердиң даўамы болды.

Тәреплер, сондай-ақ, пайдалы қазылмаларды излеў ҳәм қазып алыўда заманагөй технологиялар ҳәм инвестицияларды тартыў, биргеликтеги жойбарларды жолға қойыў мәселелерин додалады.

Қарақалпақстан хабар агентлиги