Asunson qalasına saparı sheńberinde Ózbekstan Respublikası Investiciyalar, sanaat hám sawda ministri Laziz Qudratovtı Paragvay Prezidenti Santyago Penya qabıl etti.
Sóylesiwlerde bazarlardı basqıshpa-basqısh ashıw hám óz-ara sawda imkaniyatların keńeytiw boyınsha áhmiyetli kelisimlerge erisildi.
Ushırasıw ótken jılı dekabr ayında Shavkat Mirziyoev hám Santyago Penya arasında sawda, investiciya, energetika hám azıq-awqat qáwipsizligi tarawlarındaǵı birge islesiwdi bekkemlew boyınsha erisilgen kelisimlerdiń dawamı boldı.
Tárepler, sonday-aq, paydalı qazılmalardı izlew hám qazıp alıwda zamanagóy texnologiyalar hám investiciyalardı tartıw, birgeliktegi joybarlardı jolǵa qoyıw máselelerin dodaladı.

Qaraqalpaqstan xabar agentligi