Мәмлекетимиз басшысының “Мәмлекетти раўажландырыўдың 2030-жылға шекем мөлшерленген тийкарғы бағдарлары шеңберинде реформаларды избе-из даўам еттириў ҳәм жаңа басқышқа алып шығыўдың қосымша илажлары ҳаққында”ғы пәрманы қабыл етилди.

Пәрман менен “Өзбекстан – 2030” стратегиясы шеңберинде ерисилген жетискенликлер ҳәм машқалаларды есапқа алған ҳалда нәтийжелилик көрсеткишлери белгиленеди.

Енди стратегиядағы мақсетлерге ерисилиўин мониторинг етиў процесслери толық санластырылады.

Санлы платформада “Өзбекстан – 2030” стратегиясы мақсетлериниң нәтийжелилик көрсеткишлерине ерисилиўи жағдайы төмендеги категорияларға ажыратылады: “жасыл” – белгиленген нәтийжелилик көрсеткишине өз ўақтында ҳәм толық ерисилген; “сары” – белгиленген нәтийжелилик көрсеткишине ерисиўде кешигиўлер бар, бирақ оларды сапластырыў имканияты бар; “қызыл” – нәтийжелилик көрсеткишине ерисиўде айрықша кешигиўлер бар ямаса оларға улыўма ерисилмеген.

“Жасыл” категорияға киргизилген нәтийжелилик көрсеткишлерине жуўапкер уйымлар хошаметленеди. “Сары” категорияға киргизилген нәтийжелилик көрсеткишлерине ерисиўдеги кешигиўлердиң себеплери талланады ҳәм оларды сапластырыў мақсетинде Министрлер Кабинети тәрепинен тийисли уйымға зәрүр илажларды көриў бойынша көрсетпелер бериледи. “Қызыл” категорияға киргизилген нәтийжелилик көрсеткишлерине жуўапкер уйымлардың жумысы Министрлер Кабинети Президиумында сын көзқарастан көрип шығылады.

Н.Абдураимова, ӨзА