Судлар тәрепинен 2025-жылы қанша пуқаралық ис көрип шығылған?

Жоқарғы суд мәлимлеме хызметиниң мәлим етиўинше, өткен жылы судлар тәрепинен 10,8 триллион сумнан аслам мәжбүрий төлемлерди өндириў ҳаққында 1,5 миллионнан аслам суд буйрығы шығарылған.

649 мың 652 пуқаралық ис көрип шығылып, олардың 506 мыңнан асламы бойынша талаплар қанаатландырылған. 76 мың 138 и бойынша талапларды қанаатландырыў бийкар етилген. 60 мың 373 и бойынша даўалар көрип шығылмастан қалдырылған. 7 мыңы бойынша ис жүргизиў тоқтатылған.

Ең көп пуқаралық келиспеўшиликлер Ташкент қаласы, Ташкент, Ферғана, Самарқанд ҳәм Әндижан ўәлаятларына туўра келген.

Пуқаралық ислерден 206 мың 399 келисим, 70 мың 535 и некеден ажыратыў, 26 мың 960 и турақ жай қатнасықлары, 19 мың 914 и айрықша категориядағы ислер, 12 мың 982 си өзбасымшалық пенен қурылған турақ жай ямаса имаратты бузыў менен байланыслы ҳәм басқа категориядағы ислерди шөлкемлестирген.

Некеден ажыратыўға байланыслы көрилген ислердиң таллаўына бола, 37 мың 544 ис бойынша даўа талаплары қанаатландырылған. 24 мың 244 и бойынша даўа талапларын қанаатландырыў бийкар етилген. 6 мың 239 сы көрип шығылмастан қалдырылған ҳәм 2,5 мың даўа бойынша ис жүргизиў тамамланған.

3 мың 119 жумысқа тиклеўге байланыслы көрип шығылған жумыслардың 1 мың 356 сы бойынша даўа талаплары қанаатландырылған. 1 мың 229 ы бойынша даўа талапларын қанаатландырыў бийкар етилген.  473 и көрилместен қалдырылған ҳәм 61 даўа бойынша ис жүргизиў тоқтатылған. 6 мың 452 жеке ажыратпа шығарылып, тийислилиги бойынша жиберилген.

Ўәлаят ҳәм оған теңлестирилген судлардың пуқаралық ислери бойынша судлаў коллегиялары тәрепинен апелляция тәртибинде 12 мың 956 ис көрип шығылды.

Биринши инстанция судлары тәрепинен шығарылған 2 мың 312 қарар бийкар етилип, 757 суд қарары өзгертилди. Кассация тәртибинде 8 мың 457 ис көрип шығылды.

Биринши инстанция судлары тәрепинен шығарылған 1 мың 668 қарар бийкар етилип, 708 суд қарары өзгертилди. Ревизия тәртибинде 5 мың 670 ис көрип шығылды. Төменги инстанция судлары тәрепинен шығарылған 482 қарар бийкар етилип, 161 суд қарары өзгертилди.

Жоқарғы судтың Пуқаралық ислери бойынша судлаў коллегиясы тәрепинен тексериў тәртибинде 363 ис көрип шығылды. Төменги судлар тәрепинен шығарылған 171 қарар бийкар етилип, 53 суд қарары өзгертилген.

Н.Абдураимова,  ӨзА