Sudlar tárepinen 2025-jılı qansha puqaralıq is kórip shıǵılǵan?
Joqarǵı sud málimleme xızmetiniń málim etiwinshe, ótken jılı sudlar tárepinen 10,8 trillion sumnan aslam májbúriy tólemlerdi óndiriw haqqında 1,5 millionnan aslam sud buyrıǵı shıǵarılǵan.
649 mıń 652 puqaralıq is kórip shıǵılıp, olardıń 506 mıńnan aslamı boyınsha talaplar qanaatlandırılǵan. 76 mıń 138 i boyınsha talaplardı qanaatlandırıw biykar etilgen. 60 mıń 373 i boyınsha dawalar kórip shıǵılmastan qaldırılǵan. 7 mıńı boyınsha is júrgiziw toqtatılǵan.
Eń kóp puqaralıq kelispewshilikler Tashkent qalası, Tashkent, Ferǵana, Samarqand hám Ándijan wálayatlarına tuwra kelgen.
Puqaralıq islerden 206 mıń 399 kelisim, 70 mıń 535 i nekeden ajıratıw, 26 mıń 960 i turaq jay qatnasıqları, 19 mıń 914 i ayrıqsha kategoriyadaǵı isler, 12 mıń 982 si ózbasımshalıq penen qurılǵan turaq jay yamasa imarattı buzıw menen baylanıslı hám basqa kategoriyadaǵı islerdi shólkemlestirgen.
Nekeden ajıratıwǵa baylanıslı kórilgen islerdiń tallawına bola, 37 mıń 544 is boyınsha dawa talapları qanaatlandırılǵan. 24 mıń 244 i boyınsha dawa talapların qanaatlandırıw biykar etilgen. 6 mıń 239 sı kórip shıǵılmastan qaldırılǵan hám 2,5 mıń dawa boyınsha is júrgiziw tamamlanǵan.
3 mıń 119 jumısqa tiklewge baylanıslı kórip shıǵılǵan jumıslardıń 1 mıń 356 sı boyınsha dawa talapları qanaatlandırılǵan. 1 mıń 229 ı boyınsha dawa talapların qanaatlandırıw biykar etilgen. 473 i kórilmesten qaldırılǵan hám 61 dawa boyınsha is júrgiziw toqtatılǵan. 6 mıń 452 jeke ajıratpa shıǵarılıp, tiyisliligi boyınsha jiberilgen.
Wálayat hám oǵan teńlestirilgen sudlardıń puqaralıq isleri boyınsha sudlaw kollegiyaları tárepinen apellyaciya tártibinde 12 mıń 956 is kórip shıǵıldı.
Birinshi instanciya sudları tárepinen shıǵarılǵan 2 mıń 312 qarar biykar etilip, 757 sud qararı ózgertildi. Kassaciya tártibinde 8 mıń 457 is kórip shıǵıldı.
Birinshi instanciya sudları tárepinen shıǵarılǵan 1 mıń 668 qarar biykar etilip, 708 sud qararı ózgertildi. Reviziya tártibinde 5 mıń 670 is kórip shıǵıldı. Tómengi instanciya sudları tárepinen shıǵarılǵan 482 qarar biykar etilip, 161 sud qararı ózgertildi.
Joqarǵı sudtıń Puqaralıq isleri boyınsha sudlaw kollegiyası tárepinen tekseriw tártibinde 363 is kórip shıǵıldı. Tómengi sudlar tárepinen shıǵarılǵan 171 qarar biykar etilip, 53 sud qararı ózgertilgen.

N.Abduraimova, ÓzA