ҚХР Сыртқы ислер министрлигиниң ўәкили Мао Нин Х социаллық тармақтағы бетинде Қытайдағы билимлендириў процесслерине жасалма интеллект (ЖИ) технологияларының енгизилип атырғанын көрсететуғын видеоролик жәриялады, деп хабар бермекте Kazinform.

«Қытай мектеплеринде билимди баҳалаў ушын жасалма интеллект технологиялары енгизилмекте. Бул оқыўшыларға анық нәтийжелерди жедел усыныў ҳәм педагогикалық жәмәәттиң жумыс жүклемесин оптималластырыў имканиятын бермекте.

Chinese schools are adopting AI-powered grading to deliver fast, precise feedback for students and lighten teachers’ workload. pic.twitter.com/8gnqqYvKWr

— Mao Ning 毛宁 (@SpoxCHN_MaoNing) January 24, 2026

Автоматластырыў процеси жазба тапсырмаларды сканерлеўди ҳәм оларды интеллектуал система арқалы жедел таллаўды өз ишине алады. ЖИ имканиятлары оқытыўшының тиккелей араласыўысыз тез қайта байланыс берип, қолжазба мәселелердиң шешимлерин анық түсиндириў имканиятын береди.

Видеоролик Х социаллық тармағында ҳәм Қытайдың Weibo микроблоглар хызметинде кеңнен тарқалды», делинеди хабарда.

Қарақалпақстан хабар агентлиги