QXR Sırtqı isler ministrliginiń wákili Mao Nin X sociallıq tarmaqtaǵı betinde Qıtaydaǵı bilimlendiriw processlerine jasalma intellekt (JI) texnologiyalarınıń engizilip atırǵanın kórsetetuǵın videorolik járiyaladı, dep xabar bermekte Kazinform.
«Qıtay mekteplerinde bilimdi bahalaw ushın jasalma intellekt texnologiyaları engizilmekte. Bul oqıwshılarǵa anıq nátiyjelerdi jedel usınıw hám pedagogikalıq jámááttiń jumıs júklemesin optimallastırıw imkaniyatın bermekte.
Avtomatlastırıw procesi jazba tapsırmalardı skanerlewdi hám olardı intellektual sistema arqalı jedel tallawdı óz ishine aladı. JI imkaniyatları oqıtıwshınıń tikkeley aralasıwısız tez qayta baylanıs berip, qoljazba máselelerdiń sheshimlerin anıq túsindiriw imkaniyatın beredi.
Videorolik X sociallıq tarmaǵında hám Qıtaydıń Weibo mikrobloglar xızmetinde keńnen tarqaldı», delinedi xabarda.

Qaraqalpaqstan xabar agentligi