Қазақстан экспорты географиясында биринши мәрте Өзбекстан тийкарғы экспорт шериклер қатарына кирди ҳәм мәмлекет улыўма экспорт көлеминде 4,5 процент үлес пенен топ-жетекши мәмлекетлер қатарынан орын алды.

Қазақстанның улыўма экспорт көлеми 71 млрд 135,7 млн АҚШ долларын қурағанын есапқа алсақ, бул – Өзбекстан есап бериў дәўиринде 3,2 млрд АҚШ доллардан зыят баҳаланған қоңсы мәмлекет өнимлерин импорт етти дегени.

Аналитиклердиң пикиринше, бул Орайлық Азия мәмлекетлери арасындағы экономикалық интеграция тереңлесип атырғаны ҳәм базарларды диверсификациялаў процеси жеделлесип атырғанын көрсетеди.

Қазақстан өнимлериниң тийкарғы қарыйдарлары елеге шекем Италия (20,1 процент), Қытай (19 процент) ҳәм Россия (10 процент) болып қалмақта. Сондай-ақ, Нидерландия (7,7 процент) ҳәм Түркия (5 процент) да жетекши экспорт бағдарлары қатарында атап өтилген.

Қәнигелердиң пикиринше, Өзбекстанның тийкарғы экспорт базарларының қатарына кириўи регионаллық бирге ислесиўдиң жаңа басқышқа көтерилип атырғанынан дәрек береди ҳәм келеси жылларда өз-ара саўда көлемлери және де артыўы күтилмекте.

Қарақалпақстан хабар агентлиги