Трамп өзин Венесуэла президенти деп жәриялады, Израиль Газаға жаңа урысқа таяр, Австралияда балалар социаллық тармақсыз қалды.

– Дональд Трамп өзин Венесуэланың ўақытша президенти деп жәриялады. Рәсмий Венесуэла ҳүкимети буны тән алған жоқ – әмелдеги ўақытша президент ўазыйпасын Делси Родригес атқарып атырғаны мәлим. Бул жағдай халықаралық сиясий ҳәм дипломатиялық кескинликти күшейтпекте.

– Австралияда 16 жасқа шекемги балалардың социаллық тармақларға кириўи қатаң қадаған етилди. Мета компаниясы биринши ҳәптеде 550 мың аккаунтты блоклады. Ҳүкимет бул қарарды балаларды зыянлы контент ҳәм алгоритмлерден қорғаў зәрүрлиги менен түсиндирмекте.

– Уганданың 81 жасар президенти Йовери Мусевени жетинши мүддетке сайланбақшы. Мусевени 1986-жылдан берли мәмлекетти басқарып келмекте ҳәм бул сапары да талабанлыққа руқсат алынған. Сыншылар болса ҳәкимиятты беккемлеў жолында оппозиция ҳәм институтларды шеклеў илажларын атап өтпекте.

– Израиль Газа секторында жаңа әскерий операцияға таярлық көрмекте. САХАЛ “Сары сызық” аймағын жылжытып, Газа қадағалаўын кеңейтиў нийетинде. ҲАМАС болса толық қуралсызланыўды бийкарламақта; топарда 60 мыңға шамалас қурал ҳәм 20 мың әскер бар.

– Иран бойлап ғалаба наразылықлар ҳүкимет қадағалаўы астына алынды. 31 ўәлаят ҳәм 111 қала аўылда тарқалған көтерилислер айырым аймақларда зорлыққа айланған. Қурбанлар естелигине үш күнлик матам жәрияланды.

– Ҳиндстан, Жарқанд штатында жабайы пил соңғы тоғыз күн ишинде кеминде 20 адамның өлимине себепши болды. Пил еле услап алынбаған, аймақта жоқары қәўип жәрияланған ҳәм халыққа түнде үйден шықпаў усыныс етилмекте.

Дүньяда болып атырған ўақыялар усы менен таўсылмайды. Минут сайын өзгерислерге, жаңаланыўларға толы.  Оларды биз бенен бақлап барың.

Нозимбек Мардонов, Ойбек Давронов (видео), ӨзА