Tramp ózin Venesuela prezidenti dep járiyaladı, Izrail Gazaǵa jańa urısqa tayar, Avstraliyada balalar sociallıq tarmaqsız qaldı.
– Donald Tramp ózin Venesuelanıń waqıtsha prezidenti dep járiyaladı. Rásmiy Venesuela húkimeti bunı tán alǵan joq – ámeldegi waqıtsha prezident wazıypasın Delsi Rodriges atqarıp atırǵanı málim. Bul jaǵday xalıqaralıq siyasiy hám diplomatiyalıq keskinlikti kúsheytpekte.
– Avstraliyada 16 jasqa shekemgi balalardıń sociallıq tarmaqlarǵa kiriwi qatań qadaǵan etildi. Meta kompaniyası birinshi háptede 550 mıń akkaunttı blokladı. Húkimet bul qarardı balalardı zıyanlı kontent hám algoritmlerden qorǵaw zárúrligi menen túsindirmekte.
– Ugandanıń 81 jasar prezidenti Yoveri Museveni jetinshi múddetke saylanbaqshı. Museveni 1986-jıldan berli mámleketti basqarıp kelmekte hám bul saparı da talabanlıqqa ruqsat alınǵan. Sınshılar bolsa hákimiyattı bekkemlew jolında oppoziciya hám institutlardı sheklew ilajların atap ótpekte.
– Izrail Gaza sektorında jańa áskeriy operaciyaǵa tayarlıq kórmekte. SAXAL “Sarı sızıq” aymaǵın jıljıtıp, Gaza qadaǵalawın keńeytiw niyetinde. HAMAS bolsa tolıq quralsızlanıwdı biykarlamaqta; toparda 60 mıńǵa shamalas qural hám 20 mıń ásker bar.
– Iran boylap ǵalaba narazılıqlar húkimet qadaǵalawı astına alındı. 31 wálayat hám 111 qala awılda tarqalǵan kóterilisler ayırım aymaqlarda zorlıqqa aylanǵan. Qurbanlar esteligine úsh kúnlik matam járiyalandı.
– Hindstan, Jarqand shtatında jabayı pil sońǵı toǵız kún ishinde keminde 20 adamnıń ólimine sebepshi boldı. Pil ele uslap alınbaǵan, aymaqta joqarı qáwip járiyalanǵan hám xalıqqa túnde úyden shıqpaw usınıs etilmekte.
Dúnyada bolıp atırǵan waqıyalar usı menen tawsılmaydı. Minut sayın ózgerislerge, jańalanıwlarǵa tolı. Olardı biz benen baqlap barıń.

Nozimbek Mardonov, Oybek Davronov (video), ÓzA