Халыққа медициналық жәрдемниң кепилленген көлемине киретуғын хызметлерди көрсетиў, сондай-ақ, медицина ҳәм фармацевтика хызметкерлериниң кәсиплик жумысын әмелге асырыў системасын жетилистириўге қаратылған нызам жойбары Халық демократиялық партиясы фракциясының мәжилисинде қызғын додаланды.

Жойбарға бола, нызамшылықта басланғыш медициналық-санитариялық жәрдем мәкемелери тәрепинен қосымша хызмет есапланған медициналық жәрдем түрлери төлемли тийкарда көрсетилиўи, сондай-ақ, халыққа маман медициналық жәрдем көрсетилиўин тәмийинлеў мақсетинде медицина ҳәм фармацевтика хызметкерлерин маманлық категориясы бойынша мәмлекетлик дизимнен өткериўди нәзерде тутатуғын тәртип белгиленбекте.

Фракция ағзасы Қызылгүл Қосимова бул нызам жойбары медицина бағдарында жоқары билим алып атырған 4-5-курс студентлериниң бир ўақыттың өзинде мийирбийке ҳәм жәрдемши медицина хызметкери сыяқлы белгили ўазыйпаларда ислеўи қадаған етилип атырғанына қарсылық билдирди.

Оған бола, жоқары курс студентлериниң оқыў дәўиринде белгили ўазыйпаларда ислеп тәжирийбе арттырып атырғаны олардың ертеңги жумысына үлкен унамлы тәсир көрсетеди.

Соның менен бирге, партия электораты есапланған социаллық қорғаўға мүтәж шаңарақлардың перзентлери усы жол менен пул таўып, өзин-өзи материаллық тәмийинлеўи, шаңарағына жәрдем бериўи мүмкин екенлигин атап өтти.

Жуўапкерлер жойбарды екинши оқыўға таярлаў процесинде бул мәселени және додалап көретуғынын билдирди.

М.Комилова, ӨзА