Xalıqqa medicinalıq járdemniń kepillengen kólemine kiretuǵın xızmetlerdi kórsetiw, sonday-aq, medicina hám farmacevtika xızmetkerleriniń kásiplik jumısın ámelge asırıw sistemasın jetilistiriwge qaratılǵan nızam joybarı Xalıq demokratiyalıq partiyası frakciyasınıń májilisinde qızǵın dodalandı.
Joybarǵa bola, nızamshılıqta baslanǵısh medicinalıq-sanitariyalıq járdem mákemeleri tárepinen qosımsha xızmet esaplanǵan medicinalıq járdem túrleri tólemli tiykarda kórsetiliwi, sonday-aq, xalıqqa maman medicinalıq járdem kórsetiliwin támiyinlew maqsetinde medicina hám farmacevtika xızmetkerlerin mamanlıq kategoriyası boyınsha mámleketlik dizimnen ótkeriwdi názerde tutatuǵın tártip belgilenbekte.
Frakciya aǵzası Qızılgúl Qosimova bul nızam joybarı medicina baǵdarında joqarı bilim alıp atırǵan 4-5-kurs studentleriniń bir waqıttıń ózinde miyirbiyke hám járdemshi medicina xızmetkeri sıyaqlı belgili wazıypalarda islewi qadaǵan etilip atırǵanına qarsılıq bildirdi.
Oǵan bola, joqarı kurs studentleriniń oqıw dáwirinde belgili wazıypalarda islep tájiriybe arttırıp atırǵanı olardıń erteńgi jumısına úlken unamlı tásir kórsetedi.
Sonıń menen birge, partiya elektoratı esaplanǵan sociallıq qorǵawǵa mútáj shańaraqlardıń perzentleri usı jol menen pul tawıp, ózin-ózi materiallıq támiyinlewi, shańaraǵına járdem beriwi múmkin ekenligin atap ótti.
Juwapkerler joybardı ekinshi oqıwǵa tayarlaw procesinde bul máseleni jáne dodalap kóretuǵının bildirdi.

M.Komilova, ÓzA