Өзбекстан Республикасы инвестициялар, санаат ҳәм саўда министриниң орынбасары Илзат Қосимов ҳәм Қытай Халық Республикасының мәмлекетимиздеги Айрықша ҳәм толық ҳуқықлы елшиси Юй Цзюнь арасында ушырасыў болып өтти.

Сөйлесиў даўамында 2025-жылда Өзбекстан – Қытай бирге ислесиўиниң жуўмақлары көрип шығылды, сондай-ақ, 2026-жылға мөлшерленген тийкарғы бағдарлар ҳәм бирге ислесиў перспективалары додаланды.

Саўда-экономикалық ҳәм инвестициялық байланыслар турақлы раўажланып атырғаны атап өтилди. Сөйлесиў ўақтында Қытай тәрепи Өзбекстан қытайлы инвесторлар ушын қолайлы инвестициялық орталық бар мәмлекет сыпатында баҳаланып атырғанын атап өтти.

Ушырасыўда Өзбекстан – Қытай үшинши регионаллық форумын өткериў мәселелерине айрықша итибар қаратылды. Форум жумысында еки мәмлекет аймақлары, министрликлер ҳәм уйымлар және бизнес топарларынан ибарат мыңнан аслам ўәкил қатнасыўы, сондай-ақ, ири инвестициялық портфель қәлиплестирилиўи режелестирилмекте.

Сөйлесиў жуўмағында Қытайдың ири компаниялары менен тиккелей сөйлесиўди жолға қойыў мақсетинде арнаўлы платформа жаратыў ҳәм оның турақлы жумысын тәмийинлеў бойынша келисимге ерисилди.

Б.ХУДОЙБЕРДИЕВ, ӨзАның хабаршысы