Ózbekstan Respublikası investiciyalar, sanaat hám sawda ministriniń orınbasarı Ilzat Qosimov hám Qıtay Xalıq Respublikasınıń mámleketimizdegi Ayrıqsha hám tolıq huqıqlı elshisi Yuy Czyun arasında ushırasıw bolıp ótti.

Sóylesiw dawamında 2025-jılda Ózbekstan – Qıtay birge islesiwiniń juwmaqları kórip shıǵıldı, sonday-aq, 2026-jılǵa mólsherlengen tiykarǵı baǵdarlar hám birge islesiw perspektivaları dodalandı.
Sawda-ekonomikalıq hám investiciyalıq baylanıslar turaqlı rawajlanıp atırǵanı atap ótildi. Sóylesiw waqtında Qıtay tárepi Ózbekstan qıtaylı investorlar ushın qolaylı investiciyalıq ortalıq bar mámleket sıpatında bahalanıp atırǵanın atap ótti.
Ushırasıwda Ózbekstan – Qıtay úshinshi regionallıq forumın ótkeriw máselelerine ayrıqsha itibar qaratıldı. Forum jumısında eki mámleket aymaqları, ministrlikler hám uyımlar jáne biznes toparlarınan ibarat mıńnan aslam wákil qatnasıwı, sonday-aq, iri investiciyalıq portfel qáliplestiriliwi rejelestirilmekte.
Sóylesiw juwmaǵında Qıtaydıń iri kompaniyaları menen tikkeley sóylesiwdi jolǵa qoyıw maqsetinde arnawlı platforma jaratıw hám onıń turaqlı jumısın támiyinlew boyınsha kelisimge erisildi.

B.XUDOYBERDIEV, ÓzAnıń xabarshısı