Бердақ атындағы Қарақалпақ мәмлекетлик академиялық музыкалы театрында Қарақалпақстан халық артисти, елимиздиң сүйикли қосықшысы Дәлибай Мәмбетмуратовтың 70 жыллық юбилейине бағышланған салтанатлы илаж өткерилди.

Илажда Қарақалпақстан Республикасы Жоқарғы Кеңесиниң комитет баслығы М.Атамуратов, «Нураний» фондының Қарақалпақстан Республикасы бөлими баслығы Т.Абдижаббаров, Қарақалпақстан Республикасы Мәденият министри Б.Темирбаевлар  Дәлибай Мәмбетмуратовтың елимиз мәденияты менен көркем өнерин раўажландырыўға қосқан салмақлы үлесин айрықша атап өтип, Қарақалпақстан Республикасы Жоқарғы Кеңеси ҳәм Министрлер Кеңеси тәрепинен таярланған естелик саўғаларын, Өзбекстан Республикасы Мәденият министрлигиниң «Мәденият ҳәм көркем өнер пидайысы» көкирек белгисин тапсырды.

Салтанатлы илаж юбилейге арнап таярланған саз-сәўбетли концерт бағдарламасы менен кеўилли даўам етти.

Қарақалпақстан хабар агентлиги