Berdaq atındaǵı Qaraqalpaq mámleketlik akademiyalıq muzıkalı teatrında Qaraqalpaqstan xalıq artisti, elimizdiń súyikli qosıqshısı Dálibay Mámbetmuratovtıń 70 jıllıq yubileyine baǵıshlanǵan saltanatlı ilaj ótkerildi.

Ilajda Qaraqalpaqstan Respublikası Joqarǵı Keńesiniń komitet baslıǵı M.Atamuratov, «Nuraniy» fondınıń Qaraqalpaqstan Respublikası bólimi baslıǵı T.Abdijabbarov, Qaraqalpaqstan Respublikası Mádeniyat ministri B.Temirbaevlar Dálibay Mámbetmuratovtıń elimiz mádeniyatı menen kórkem ónerin rawajlandırıwǵa qosqan salmaqlı úlesin ayrıqsha atap ótip, Qaraqalpaqstan Respublikası Joqarǵı Keńesi hám Ministrler Keńesi tárepinen tayarlanǵan estelik sawǵaların, Ózbekstan Respublikası Mádeniyat ministrliginiń «Mádeniyat hám kórkem óner pidayısı» kókirek belgisin tapsırdı.
Saltanatlı ilaj yubileyge arnap tayarlanǵan saz-sáwbetli koncert baǵdarlaması menen kewilli dawam etti.

Qaraqalpaqstan xabar agentligi