Олий Мажлис Сенатына Түркий мәмлекетлер Парламент ассамблеясы (ТүркПА) Бас хаткери Рамил Ҳасан келди.

Сенат Баслығы Танзила Норбоева менен ушырасыўда Өзбекстан ҳәм ТүркПА арасындағы бирге ислесиў, Түркий мәмлекетлер шөлкеми ҳәм түркий дүньяның басқа да қәнигелескен институтлары шеңбериндеги байланысларды және де кеңейтиў перспективалары додаланды.

Өзбекстанның Түркий тиллес халықлардың мәдений мийрасын сақлаў ҳәм ғалаба ен жайдырыўға қаратылған ТҮРКСАЙ халықаралық шөлкеминдеги қатнасыўы бойынша пикир алысылды.

Ушырасыўда Өзбекстан парламенти ағзаларының ТүркПА шеңбериндеги нәтийжели жумысы айрықша атап өтилди. Олий Мажлис палаталары делегациялары Ассамблеяның жалпы мәжилислери, тараўға байланыслы комиссиялардың мәжилислери ҳәм форумларында турақлы қатнаспақта.

Ушырасыў жуўмақлары бойынша түркий тиллес мәмлекетлер парламентлери арасындағы бирге ислесиўди және де беккемлеў, сондай-ақ, ТүркПА шеңберинде өткерилетуғын илажларда белсене қатнасыў бойынша келисимге ерисилди.

Н.Абдураимова, ӨзА