Oliy Majlis Senatına Túrkiy mámleketler Parlament assambleyası (TúrkPA) Bas xatkeri Ramil Hasan keldi.

Senat Baslıǵı Tanzila Norboeva menen ushırasıwda Ózbekstan hám TúrkPA arasındaǵı birge islesiw, Túrkiy mámleketler shólkemi hám túrkiy dúnyanıń basqa da qánigelesken institutları sheńberindegi baylanıslardı jáne de keńeytiw perspektivaları dodalandı.
Ózbekstannıń Túrkiy tilles xalıqlardıń mádeniy miyrasın saqlaw hám ǵalaba en jaydırıwǵa qaratılǵan TÚRKSAY xalıqaralıq shólkemindegi qatnasıwı boyınsha pikir alısıldı.
Ushırasıwda Ózbekstan parlamenti aǵzalarınıń TúrkPA sheńberindegi nátiyjeli jumısı ayrıqsha atap ótildi. Oliy Majlis palataları delegaciyaları Assambleyanıń jalpı májilisleri, tarawǵa baylanıslı komissiyalardıń májilisleri hám forumlarında turaqlı qatnaspaqta.
Ushırasıw juwmaqları boyınsha túrkiy tilles mámleketler parlamentleri arasındaǵı birge islesiwdi jáne de bekkemlew, sonday-aq, TúrkPA sheńberinde ótkeriletuǵın ilajlarda belsene qatnasıw boyınsha kelisimge erisildi.

N.Abduraimova, ÓzA