Быйыл Вашингтонда болып өткен ” C5+1″ форматындағы саммит Орайлық Азия мәмлекетлери ҳәм АҚШ арасындағы бирге ислесиўди буннан былай да беккемлеў менен бирге, Кавказ регионындағы тынышлық процесслерине де айрықша итибар қаратты.

Қурама Штатлар Мәмлекетлик департаменти баспасөз хызмети “АзерТАЖ” мәлимлеме агентлигине берген интервьюинде АҚШ ҳәм Орайлық Азия мәмлекетлери Армения ҳәм Әзербайжан арасындағы беккем тынышлық, сондай-ақ, халықаралық жол басламасы шеңберинде жүзеге келип атырған жаңа экономикалық ҳәм транспорт имканиятларынан мәпдар екенин атап өтти.

– Вашингтон қаласындағы ” C5+1″ ушырасыўлары даўамында биз Армения ҳәм Әзербайжанның регионаллық бирге ислесиў ҳәм абаданлық ушын имканиятларды кеңейтиўге қаратылған ҳәрекетлерин атап өттик. Биз бул имканиятларды жоқары дәрежеде арттырыў ушын биргеликте ислесиў нийетиндемиз, – делинеди билдириўде.

С.Раҳимов, ӨзА