Bıyıl Vashingtonda bolıp ótken ” C5+1″ formatındaǵı sammit Oraylıq Aziya mámleketleri hám AQSh arasındaǵı birge islesiwdi bunnan bılay da bekkemlew menen birge, Kavkaz regionındaǵı tınıshlıq processlerine de ayrıqsha itibar qarattı.

Qurama Shtatlar Mámleketlik departamenti baspasóz xızmeti “AzerTAJ” málimleme agentligine bergen intervyuinde AQSh hám Oraylıq Aziya mámleketleri Armeniya hám Ázerbayjan arasındaǵı bekkem tınıshlıq, sonday-aq, xalıqaralıq jol baslaması sheńberinde júzege kelip atırǵan jańa ekonomikalıq hám transport imkaniyatlarınan mápdar ekenin atap ótti.
– Vashington qalasındaǵı ” C5+1″ ushırasıwları dawamında biz Armeniya hám Ázerbayjannıń regionallıq birge islesiw hám abadanlıq ushın imkaniyatlardı keńeytiwge qaratılǵan háreketlerin atap óttik. Biz bul imkaniyatlardı joqarı dárejede arttırıw ushın birgelikte islesiw niyetindemiz, – delinedi bildiriwde.

S.Rahimov, ÓzA