Рүстам Мусурмон,

Қарақалпақстан халық шайыры.

 

Әййемги түрк –   қарақалпақ тилисең,

Кең саҳраның хошҳаўаз бүлбүлисең.

Ҳақ жаратқан гүлистанның ең сулыў

Гүлисең-әй, гүлисең -әй, гүлисең.

Бул диярда халықлар жасайды инақ,

Жанын да аямас келгенде қонақ,

Тәңри сүйген қарақалпақтың аппақ

Дилисең-әй, дилисең-әй, дилисең.

Сәмен отаўына белдеў  байлаған,

Жулдызларды алтын яңлы сайлаған

Суўдан балық, аспаннан қус аўлаған

Қолысаң-әй, қолысаң-әй, қолысаң.

Айдар қойып, ат шаптырған дәўранның,

Таў-өткелден асқан дана сәрўанның,

Көшип киятырған үлкен  кәрўанның

Жолысаң-әй, жолысаң-әй, жолысаң.

Сыйқыр менен сөзге сарпай кийдирген,

Меҳир менен жигит-қызды сүйдирген,

Тас кеўилди мая киби ийдирген,

Тилисең-әй, тилисең-әй, тилисең.

Алтыннан да бийбаҳа бул топырақтың,

Төрт түлиги сай  байдәўлет урпақтың,

Дедим, Рүстем, сен-ҳәм қарақалпақтың

Улысаң-әй, улысаң-әй, улысаң!

Қарақалпақстан хабар агентлиги