Музей топламында саз әсбапларын соғатуғын белгили уста Сейтнияз Жарымбетов тәрепинен 1967-жылы музейге тапсырылған сийрек ушырасатуғын қобыз сақланады. Бул экспонат тарийхый ҳәм мәдений жақтан айрықша әҳмийетке ийе.

Қобыз ат жалынан исленген еки қатар тарға ийе қарақалпақлардың дәстүрий саз әсбабы. Оның бөлеклерге бөлинетуғын дүзилиси көшпели турмыс кеширген жыраўлар, яғный эпикалық дәстан айтыўшылар ушын жүдә қолайлы болған. Олар халық аўызеки дөретиўшилигин усы саз әсбабының тыныш ҳәм тартымлы сеслери астында намаға салып айтқан.

Тут, ерик, жийде ҳәм караман сыяқлы жергиликли терек түрлеринен жасалған бул қобыз Қарақалпақстанның музыка тараўындағы бай дәстүрлерин сәўлелендиреди. Бүгин жыраўшылық көркем өнери әсте-ақырын жоғалып баратырған бир ўақытта, бундай саз әсбапларын қәстерлеп сақлаў оғада әҳмийетли.

Қарақалпақстан хабар агентлиги