Muzey toplamında saz ásbapların soǵatuǵın belgili usta Seytniyaz Jarımbetov tárepinen 1967-jılı muzeyge tapsırılǵan siyrek ushırasatuǵın qobız saqlanadı. Bul eksponat tariyxıy hám mádeniy jaqtan ayrıqsha áhmiyetke iye.

Qobız at jalınan islengen eki qatar tarǵa iye qaraqalpaqlardıń dástúriy saz ásbabı. Onıń bóleklerge bólinetuǵın dúzilisi kóshpeli turmıs keshirgen jırawlar, yaǵnıy epikalıq dástan aytıwshılar ushın júdá qolaylı bolǵan. Olar xalıq awızeki dóretiwshiligin usı saz ásbabınıń tınısh hám tartımlı sesleri astında namaǵa salıp aytqan.
Tut, erik, jiyde hám karaman sıyaqlı jergilikli terek túrlerinen jasalǵan bul qobız Qaraqalpaqstannıń muzıka tarawındaǵı bay dástúrlerin sáwlelendiredi. Búgin jırawshılıq kórkem óneri áste-aqırın joǵalıp baratırǵan bir waqıtta, bunday saz ásbapların qásterlep saqlaw oǵada áhmiyetli.

Qaraqalpaqstan xabar agentligi