Ташкент қаласында өткерилип атырған «Президент Олимпиадасы» жарысларының үшинши күни ҳаял-қызлар гүреси бойынша Қарақалпақстан Республикасы сайланды командасы ушын оғада табыслы келди.

Атап айтқанда, қызларымыз 40 кг, 43 кг, 46 кг, 49 кг , 53 кг, 57 кг, 61 кг, 65 кг, 69 кг ҳәм 73 кг салмақ категориялары бойынша беллесиўлерге түсип, жеңимпазлық ушын кескин гүрес алып барды. Оғада қыйын өткен беллесиўлер жуўмағында, 49 кг салмақта Камила Абатбаева барлық қарсыласларын жеңип, алтын медаль ийесине айланған болса, 40 кг да Улбосын Әлимбаева, 46 кг да Нафиса Шамуратова, 57 кг да Улбосын Қәдирбергенова, 69 кг да Рабия Турдымуратовалар гүмис, 43 кг да Сабоҳат Жоллыбаева,  53 кг да Сисагул Сарсенбаеева, 57 кг да Шахсәнем Төрениязова 61 кг да Феруза Кайратдинова ҳәм 73 кг да Феруза Сметовалар қола медалын қолға киргизди.

Солай етип, командамыз ағзалары  кешеги күн жуўмағы бойынша, 1 алтын, 4 гүмис ҳәм 5 қола медальларын жеңип алды.

Қызларымызды бул жарысқа Айнура Жапақова, Барзу Қилибаевлар таярлады.

Адилбай Оразов,

Қарақалпақстан хабар агентлиги шолыўшы