Tashkent qalasında ótkerilip atırǵan «Prezident Olimpiadası» jarıslarınıń úshinshi kúni hayal-qızlar gúresi boyınsha Qaraqalpaqstan Respublikası saylandı komandası ushın oǵada tabıslı keldi.

Atap aytqanda, qızlarımız 40 kg, 43 kg, 46 kg, 49 kg , 53 kg, 57 kg, 61 kg, 65 kg, 69 kg hám 73 kg salmaq kategoriyaları boyınsha bellesiwlerge túsip, jeńimpazlıq ushın keskin gúres alıp bardı. Oǵada qıyın ótken bellesiwler juwmaǵında, 49 kg salmaqta Kamila Abatbaeva barlıq qarsılasların jeńip, altın medal iyesine aylanǵan bolsa, 40 kg da Ulbosın Álimbaeva, 46 kg da Nafisa Shamuratova, 57 kg da Ulbosın Qádirbergenova, 69 kg da Rabiya Turdımuratovalar gúmis, 43 kg da Sabohat Jollıbaeva, 53 kg da Sisagul Sarsenbaeeva, 57 kg da Shaxsánem Tóreniyazova 61 kg da Feruza Kayratdinova hám 73 kg da Feruza Smetovalar qola medalın qolǵa kirgizdi.
Solay etip, komandamız aǵzaları keshegi kún juwmaǵı boyınsha, 1 altın, 4 gúmis hám 5 qola medalların jeńip aldı.
Qızlarımızdı bul jarısqa Aynura Japaqova, Barzu Qilibaevlar tayarladı.

Adilbay Orazov,
Qaraqalpaqstan xabar agentligi sholıwshı