ҚХР сыртқы ислер министри Ван И усы жылдың 19-22-ноябрь күнлери Өзбекстан, Қырғызстан ҳәм Тәжикстанға келеди. Ол үш мәмлекет сыртқы ислер министрлери менен стратегиялық сөйлесиўлер өткереди, сондай-ақ, усы мәмлекетлердиң басшыларыныӊ қабыллаўында болады.

– Қытай Коммунистлик партиясы Орайлық комитети сиясий бюросының ағзасы Ван И Қырғызстан сыртқы ислер министри Жеенбек Кулубаев, Өзбекстан сыртқы ислер министри Бахтиёр Саидов ҳәм Тәжикстан сыртқы ислер министри Сирожиддин Муҳриддинниң мирәт етиўине бола жоқарыда атап өтилген мәмлекетлерге сапар етеди, – деп мәлим етти ҚХР СИМ спикери Мао Нинг.

Атап өтилиўинше, сөйлесиўлерде еки тәреплеме шерикликти беккемлеў, регионаллық бирге ислесиўди кеңейтиў, Орайлық Азияда турақлылық ҳәм қәўипсизликти тәмийинлеў бойынша биргеликтеги ҳәрекетлерди алға қойыў мәселелери додаланады.

Ө.Алимов, ӨзА