QXR sırtqı isler ministri Van I usı jıldıń 19-22-noyabr kúnleri Ózbekstan, Qırǵızstan hám Tájikstanǵa keledi. Ol úsh mámleket sırtqı isler ministrleri menen strategiyalıq sóylesiwler ótkeredi, sonday-aq, usı mámleketlerdiń basshılarınıń qabıllawında boladı.

– Qıtay Kommunistlik partiyası Oraylıq komiteti siyasiy byurosınıń aǵzası Van I Qırǵızstan sırtqı isler ministri Jeenbek Kulubaev, Ózbekstan sırtqı isler ministri Baxtiyor Saidov hám Tájikstan sırtqı isler ministri Sirojiddin Muhriddinniń mirát etiwine bola joqarıda atap ótilgen mámleketlerge sapar etedi, – dep málim etti QXR SIM spikeri Mao Ning.
Atap ótiliwinshe, sóylesiwlerde eki tárepleme sheriklikti bekkemlew, regionallıq birge islesiwdi keńeytiw, Oraylıq Aziyada turaqlılıq hám qáwipsizlikti támiyinlew boyınsha birgeliktegi háreketlerdi alǵa qoyıw máseleleri dodalanadı.

Ó.Alimov, ÓzA