Жиззақ ўәлатында спорттың Велоспорт-bmx жөнелиси бойынша ер балалар ҳәм қызлар арасында Өзбекстан кубоги жарысы болып өтти.

Жарысқа елимиздиң барлық аймақларынан күшли велоспортшылар қатнасты. Усы спортшылар арасында республикамыз сайланды командасы да табыслы қатнасып, бир неше медальларды қолға киргизди. Атап айтқанда, жеккелик беллесиўдиң классик  түри бойынша Гүлбәҳәр Хожаназарова 1-орынды ийелеген болса, Алина Уразбаева ҳәм Закима Толыбаевалар екинши, Нургүл Ғанибаева үшинши орынды ийелеўге миясар болды.

Ал, командалық беллесиўлерде болса, Гүлбәҳәр Хожаназарова, Алина Уразбаева, Зарина Бийсенбаева, Закима Толыбаева, Айсулыў Қудайбергенова ҳәм Нургүл Ғанибаевалар өзлериниң шаққанлығы ҳәм шеберлигин көрсетип, алтын медаль ийесине айланды. Спортшыларымызды жарысқа  тәжирийбели тренерлерден П.Арысланбаев ҳәм Б.Қудайбергеновлар таярлады.

Адилбай Оразов,

Қарақалпақстан хабар агентлиги шолыўшысы