Kickstarter платформасында Prolo Ring атлы заманагөй ҳәм минималистлик дизайндағы ақыллы жүзик усынылды. Ол компьютер тышқанының орнын басыўға уқыплы болып, кампания басланғанынан тек ғана 9 минут өтип керекли қаржыны жыйнады.

Prolo Ring 5 грамм аўырлықта болып, көрсеткиш бармаққа тағылады. Қурылмада сенсорлы панель, 6 көшерли ҳәрекет датчиги ҳәм тийгизиў сенсори бар. Курсорды басқарыў, бетти айландырыў, масштабты өзгертиў ямаса түрли буйрықларды орынлаў бас бармақ ҳәрекети менен әмелге асырылади. Жүзик 40 тан артық белгилерди таныйды ҳәм пайдаланыўшы оларды өз қәлеўине қарап сазлаўы мүмкин.

Жоуй Ченгтиң сөзлерине бола, Prolo Ringтен пайдаланыўды үйрениў ушын тек ғана 5 минут жеткиликли. “Бул тек ғана ысырыў ҳәм басыўлардан ибарат. Сазлаў процеси болса дөретиўшилик ҳәм қызықлы,” – дейди ол.

Prolo Ring ойын ойнаў, интернетте ислеў ҳәм күнделикли компьютер ўазыйпаларын орынлаўда тышқанды толық алмастыра алады. Бирақ 3D-модельлестириў ямаса фотосүўрет редакторлаў сыяқлы жоқары анықлық талап ететуғын жумыслар ушын ол онша сәйкес емес – киши көлем анықлықты шеклейди.

Қурылма Bluetooth арқалы қәлеген системаға жалғанады, бир саатта толық қуўатланады. Бирақ батарея сегиз саатлық жумыс күнин толық өте алмайды. Сол себепли топламға зарядлаўшы қуты да киргизилген болып, ол жүзикти 30 күнге шекем қуўатлап тура алады.

Prolo Ring ҳәзирги ўақытта 99 долларға алдыннан буйыртпа бериў мүмкин, ақырғы усақлап сатыў баҳасы болса 199 доллар болыўы күтилмекте. Дәслепки жеткерип бериў 2025-жылдың декабрине режелестирилген.

Мадинабону Насриева, Анвархўжа Аҳмедов, ӨзА