Ташкент қаласында Мектепке шекемги билимлендириў шөлкемлери тәрбияланыўшылары арасында «Жажжи нурли юлдузлар» фестивалының республикалық басқышы болып өтти.

Фестивальға мәмлекетимиздиң барлық орынларынан таңлаўдың аймақлық басқышларында жеңимпаз болған көркем өнерге қызығыўшы 5-7-жас аралығындағы бақша тәрбияланыўшылары қатнасып, бир неше номинациялар бойынша өз-ара жарысты.

Қызықлы өткен фестиваль жуўмағында, «Кишкене атқарыўшы» номинациясында Нөкис қаласындағы 55-санлы  мектепке шекемги билимлендириў шөлкеми тәрбияланыўшысы Қоблан Буркитов, «Әжайып намалар» номинациясында Қоңырат районындағы 8-санлы мектепке шекемги билимлендириў шөлкеми тәрбияланыўшысы Жасмина Орақбаева екинши орынды ийелеўге миясар болды.

Ал, «Бабалар мийрасы» номинациясында болса, Қоңырат районындағы 1-санлы мектепке шекемги билимлендириў шөлкеминиң ҳәўескерлер топарына тең келетуғын  қарсылас табылмады ҳәм олар бас сыйлық ийесине айланды.

Адилбай Оразов,

Қарақалпақстан хабар агентлиги шолыўшысы