Тошкент шаҳрида Мактабгача таълим ташкилотлари тарбияланувчилари ўртасида «Жажжи нурли юлдузлар» фестивалининг республика босқичи бўлиб ўтди.

Фестивалда мамлакатимизнинг барча жойларидан танловнинг ҳудудий босқичларида ғолиб бўлган 5-7 ёш оралиғидаги санъатга қизиқувчи боғча тарбияланувчилари иштирок этиб, бир неча номинациялар бўйича ўзаро беллашди.

Қизиқарли ўтган фестиваль якунида, «Кичик ижрочи» номинациясида Нукус шаҳридаги 55-сонли мактабгача таълим ташкилоти тарбияланувчиси Қоблан Буркитов, «Ажойиб куйлар» номинациясида Қўнғирот туманидаги 8-сонли мактабгача таълим ташкилоти тарбияланувчиси Жасмина Ўроқбоева иккинчи ўринни эгаллашга муваффақ бўлди.

«Аждодлар мероси» номинациясида эса Қўнғирот туманидаги 1-сонли мактабгача таълим ташкилотининг ҳаваскорлар гуруҳига тенг келадиган рақиб топилмади ва улар бош мукофот соҳибига айланди.

Адилбай Оразов,

Қорақалпоғистон ахборот агентлиги шарҳловчиси