Кәсиплик аўқамлары күни мүнәсибети орынларда ҳәр қыйлы мәдений, кеўил ашар илажлар, спорт жарыслары даўам етпекте.

Самарқанд мәмлекетлик ветеринария медицинасы, шарўашылық ҳәм биотехнологиялар университети Нөкис филиалында да 11-ноябрь – “Өзбекстан кәсиплик аўқамлары күни” мүнәсибети менен профессор-оқытыўшылар ҳәм хызметкерлер арасында спорт жарысы шөлкемлестирилди.

Илаждың тийкарғы мақсети – жәмәәтте саламат бәсеки, аўызбиршилик ҳәм өз-ара ҳүрмет орталығын және де беккемлеўден ибарат.

Илажда спорттың жәмәәт турмысындағы орны, саламат турмыс тәризин үгит-нәсиятлаў, аўызбиршилик ҳәм жуўапкершиликти арттырыўдағы әҳмийети атап өтилди.

Профессор-оқытыўшылар ҳәм хызметкерлер бир неше спорт бағдарлары бойынша өз-ара беллести. Жарыс процеси тек ғана физикалық белсендилик емес, аўызбиршилик, бир-бирин қоллап-қуўатлаў ҳәм жәмәәт ишиндеги унамлы қатнасықларды беккемлеўге хызмет етти.

Жарыс жуўмағында жеңимпазлар анықланып арнаўлы диплом ҳәм естелик саўғалары менен сыйлықланды.

Қарақалпақстан хабар агентлиги