Касаба уюшмалари куни муносабати билан жойларда турли маданий, кўнгилочар тадбирлар, спорт мусобақалари давом этмоқда.

Самарқанд давлат ветеринария медицинаси, чорвачилик ва биотехнологиялар университети Нукус филиалида ҳам 11 ноябрь – «Ўзбекистон касаба уюшмалари куни» муносабати билан профессор-ўқитувчилар ва ходимлар ўртасида спорт мусобақаси ташкил этилди.

Тадбирнинг асосий мақсади – жамоада соғлом рақобат, ҳамжиҳатлик ва ўзаро ҳурмат муҳитини янада мустаҳкамлашдан иборат.

Тадбирда спортнинг жамоа ҳаётидаги ўрни, соғлом турмуш тарзини тарғиб этиш, ҳамжиҳатлик ва масъулиятни оширишдаги аҳамияти таъкидланди.

Профессор-ўқитувчилар ва ходимлар бир нечта спорт йўналишлари бўйича ўзаро беллашди. Мусобақа жараёни нафақат жисмоний фаоллик, балки ҳамжиҳатлик, бир-бирини қўллаб-қувватлаш ва жамоа ичидаги ижобий муносабатларни мустаҳкамлашга хизмат қилди.

Мусобақа якунида ғолиблар аниқланиб, махсус диплом ва эсдалик совғалари билан тақдирланди.

Қорақалпоғистон ахборот агентлиги