Kásiplik awqamları kúni múnásibeti orınlarda hár qıylı mádeniy, kewil ashar ilajlar, sport jarısları dawam etpekte.
Samarqand mámleketlik veterinariya medicinası, sharwashılıq hám biotexnologiyalar universiteti Nókis filialında da 11-noyabr – “Ózbekstan kásiplik awqamları kúni” múnásibeti menen professor-oqıtıwshılar hám xızmetkerler arasında sport jarısı shólkemlestirildi.

Ilajdıń tiykarǵı maqseti – jámáátte salamat báseki, awızbirshilik hám óz-ara húrmet ortalıǵın jáne de bekkemlewden ibarat.
Ilajda sporttıń jámáát turmısındaǵı ornı, salamat turmıs tárizin úgit-násiyatlaw, awızbirshilik hám juwapkershilikti arttırıwdaǵı áhmiyeti atap ótildi.
Professor-oqıtıwshılar hám xızmetkerler bir neshe sport baǵdarları boyınsha óz-ara bellesti. Jarıs procesi tek ǵana fizikalıq belsendilik emes, awızbirshilik, bir-birin qollap-quwatlaw hám jámáát ishindegi unamlı qatnasıqlardı bekkemlewge xızmet etti.
Jarıs juwmaǵında jeńimpazlar anıqlanıp arnawlı diplom hám estelik sawǵaları menen sıylıqlandı.

Qaraqalpaqstan xabar agentligi