Қубла Корея Президенти Ли Чже Мён менен сөйлесиў ўақтында АҚШ Президенти Дональд Трамп Корея ярым атаўындағы машқаланы шешиў ушын Арқа Корея менен бирге ислесетуғынын айтты.

Оның атап өтиўинше, бул бираз ўақыт талап етеди, “бирақ ақыр-аяғында ҳәммеси шешиледи”.

Трамптың сөзлерине бола, бул рет Америка тәрепи Арқа Корея жетекшиси Ким Чен Ин менен ушырасыў кестеси бойынша келисе алмады. Соның менен бирге Америка жетекшиси КХДР басшысы менен арасында “жүдә жақсы қатнасық” бар екенин, олар “жақсы келисип атырғанын” да атап өткен.

Россия-Украина урысы ҳаққында да сөз еткен Трамп келиспеўшиликти тоқтатыў нийетин және бир мәрте тастыйықлаған: Биз 8 келиспеўшиликти шештик. Шешилмеген бирден-бир машқала – Россия ҳәм Украина. Президент Путин менен жыллы мүнәсибетим себепли мен буны аңсат ис, деп ойлаған едим. Мәлим болыўынша, мәселе онша әпиўайы емес екен. Бул машқаланы да әлбетте сапластырамыз.

С.Раҳимов, ӨзА