Салық уйымларының мағлыўматларына бола, усы жылдың январь-сентябрь айларында 584 мыңнан аслам ижара шәртнамалары рәсмий түрде есапқа қойылған. Усы шәртнамалар тийкарында 828,7 млрд. сум салықлар есапланған.

Физикалық шахслар арасында дүзилген 412 мың ижара шәртнамасы бойынша 625 млрд. сум дәрамат салығы есапланған. Бул көрсеткиш 2024-жылдың сәйкес дәўирине салыстырғанда шәртнамалар саны бойынша 9 процент, есапланған салық муғдары бойынша болса 44 процентке өскен.

Юридикалық шахслар арасында дүзилген 172,6 мың ижара шәртнамасы бойынша болса 203,7 млрд. сум салық есапланған. Бул да 2024-жылдың усы дәўирине салыстырғанда шәртнамалар саны бойынша 13,8 процент, есапланған салық муғдары бойынша болса 21,9 процентке көп.

Студентлерге турақ жай ижараға берген салық төлеўшилер дәрамат салығынан азат етилген. Январ-сентябрь айларында бул бағдарда 44 млрд. сум муғдарында жеңиллик қолланылған.

Усы дәўирде студентлер менен 96,3 мың ижара шәртнамасы дүзилген болып, ижарада туратуғын студентлердиң саны 118 мың 998 ды қураған.

Ш.Маматуропова,

ӨзА