Salıq uyımlarınıń maǵlıwmatlarına bola, usı jıldıń yanvar-sentyabr aylarında 584 mıńnan aslam ijara shártnamaları rásmiy túrde esapqa qoyılǵan. Usı shártnamalar tiykarında 828,7 mlrd. sum salıqlar esaplanǵan.

Fizikalıq shaxslar arasında dúzilgen 412 mıń ijara shártnaması boyınsha 625 mlrd. sum dáramat salıǵı esaplanǵan. Bul kórsetkish 2024-jıldıń sáykes dáwirine salıstırǵanda shártnamalar sanı boyınsha 9 procent, esaplanǵan salıq muǵdarı boyınsha bolsa 44 procentke ósken.
Yuridikalıq shaxslar arasında dúzilgen 172,6 mıń ijara shártnaması boyınsha bolsa 203,7 mlrd. sum salıq esaplanǵan. Bul da 2024-jıldıń usı dáwirine salıstırǵanda shártnamalar sanı boyınsha 13,8 procent, esaplanǵan salıq muǵdarı boyınsha bolsa 21,9 procentke kóp.
Studentlerge turaq jay ijaraǵa bergen salıq tólewshiler dáramat salıǵınan azat etilgen. Yanvar-sentyabr aylarında bul baǵdarda 44 mlrd. sum muǵdarında jeńillik qollanılǵan.
Usı dáwirde studentler menen 96,3 mıń ijara shártnaması dúzilgen bolıp, ijarada turatuǵın studentlerdiń sanı 118 mıń 998 dı quraǵan.

Sh.Mamaturopova,
ÓzA