Көксарай резиденциясында Сербия Республикасы Президенти Александр Вучич ҳәм өмирлик жолдасының елимизге сапары шеңберинде рәсмий илажлар болып өтти.   

Мәмлекет басшыларын рәсмий күтип алыў мәресиминен соң Өзбекстан Республикасының Биринши ханымы Зироат Мирзиёева ҳәм Сербия Республикасының Биринши ханымы Тамара Вучич ушырасыў өткерди. Рәсмий емес сөйлесиў ўақтында халықларымыз арасындағы байланыслар, гуманитарлық ҳәм мәдений бирге ислесиў бойынша пикир алысылды.

Президентлер Шавкат Мирзиёев ҳәм Александр Вучичтиң сөйлесиўлериниң нәтийжелери Өзбекстан – Сербия қатнасықларын пүткиллей жаңа басқышқа алып шығыўы, халықларымыз арасындағы дослық ҳәм өз-ара түсинисиўди және де беккемлейтуғынына исеним билдирилди.

Буннан соң Зироат Мирзиёева ҳәм Тамара Вучич мәдений бағдарламада қатнасты. Жоқары мәртебели мийманға Өзбекстан халық әмелий көркем өнери көргизбеси ҳәм дәстүрий мәресимлери көрсетилди.

Ушырасыў қызғын ҳәм дослық руўхында өтип, бирге ислесиўди буннан былай да беккемлеўге умтылысы исенимли екенин тастыйықлады.

ӨзА