Kóksaray rezidenciyasında Serbiya Respublikası Prezidenti Aleksandr Vuchich hám ómirlik joldasınıń elimizge saparı sheńberinde rásmiy ilajlar bolıp ótti.

Mámleket basshıların rásmiy kútip alıw máresiminen soń Ózbekstan Respublikasınıń Birinshi xanımı Ziroat Mirziyoeva hám Serbiya Respublikasınıń Birinshi xanımı Tamara Vuchich ushırasıw ótkerdi. Rásmiy emes sóylesiw waqtında xalıqlarımız arasındaǵı baylanıslar, gumanitarlıq hám mádeniy birge islesiw boyınsha pikir alısıldı.
Prezidentler Shavkat Mirziyoev hám Aleksandr Vuchichtiń sóylesiwleriniń nátiyjeleri Ózbekstan – Serbiya qatnasıqların pútkilley jańa basqıshqa alıp shıǵıwı, xalıqlarımız arasındaǵı doslıq hám óz-ara túsinisiwdi jáne de bekkemleytuǵınına isenim bildirildi.
Bunnan soń Ziroat Mirziyoeva hám Tamara Vuchich mádeniy baǵdarlamada qatnastı. Joqarı mártebeli miymanǵa Ózbekstan xalıq ámeliy kórkem óneri kórgizbesi hám dástúriy máresimleri kórsetildi.
Ushırasıw qızǵın hám doslıq ruwxında ótip, birge islesiwdi bunnan bılay da bekkemlewge umtılısı isenimli ekenin tastıyıqladı.

ÓzA