“Муфтий сыйлығы – 2025” мини-футбол жарысының финал ойыны болып өтип,  жуўмақлаўшы ушырасыўда Наманган ўәкиллиги ҳәм Қарақалпақстан мусылманлары қазыяты командалары өз-ара беллести.

Еки команда да бул жарысқа айрықша таярлық көрип келгенлигин көрсетти.

Жарыс жуўмағы бойынша, 1-орын Қарақалпақстан мусылманлары қазыяты, 2-орын Наманган ўәкиллиги, 3-орын Самарқанд ўәкиллиги командаларына несип етти.

Тийкарғы ўақытта командалар 4:4 есабында теңбе-тең есапқа ийе болды. Жеңимпаз команда пенальтилер сериясы арқалы анықланды. Онда Қарақалпақстан мусылманлары қазыяты командасы 4:2 есабында толық жеңимпаз болды.

Сыйлықлаў мәресиминде бас кубок Қарақалпақстан командасына салтанатлы түрде тапсырылды. Сондай-ақ, жеңимпаз команда ағзаларының ҳәр бирине биринши орын медалы ҳәм ноутбук саўға етилди.

Сондай-ақ, төрешилер, “Ең жақсы дәрўазаман”, “Ең көп топ урыўшы”, “Ең жақсы ойыншы” номинацияларына миясар болған ойыншыларға да баҳалы саўғалар, сондай-ақ, барлық орын ийелерине ақшалай сыйлықлар ҳәм естелик саўғалары да тапсырылды.

Қарақалпақстан хабар агентлиги