“Muftiy sıylıǵı – 2025” mini-futbol jarısınıń final oyını bolıp ótip, juwmaqlawshı ushırasıwda Namangan wákilligi hám Qaraqalpaqstan musılmanları qazıyatı komandaları óz-ara bellesti.

Eki komanda da bul jarısqa ayrıqsha tayarlıq kórip kelgenligin kórsetti.
Jarıs juwmaǵı boyınsha, 1-orın Qaraqalpaqstan musılmanları qazıyatı, 2-orın Namangan wákilligi, 3-orın Samarqand wákilligi komandalarına nesip etti.
Tiykarǵı waqıtta komandalar 4:4 esabında teńbe-teń esapqa iye boldı. Jeńimpaz komanda penaltiler seriyası arqalı anıqlandı. Onda Qaraqalpaqstan musılmanları qazıyatı komandası 4:2 esabında tolıq jeńimpaz boldı.
Sıylıqlaw máresiminde bas kubok Qaraqalpaqstan komandasına saltanatlı túrde tapsırıldı. Sonday-aq, jeńimpaz komanda aǵzalarınıń hár birine birinshi orın medalı hám noutbuk sawǵa etildi.
Sonday-aq, tóreshiler, “Eń jaqsı dárwazaman”, “Eń kóp top urıwshı”, “Eń jaqsı oyınshı” nominaciyalarına miyasar bolǵan oyınshılarǵa da bahalı sawǵalar, sonday-aq, barlıq orın iyelerine aqshalay sıylıqlar hám estelik sawǵaları da tapsırıldı.

Qaraqalpaqstan xabar agentligi