Усы жылдың 14-17-октябрь күнлери Ашхабад қаласындағы Мақтымқулы атындағы Түркменстан мәмлекетлик университетинде IV Халықаралық химия олимпиадасы ҳәм химия пәнин оқытыў бойынша халықаралық илимий-әмелий конференция болып өтти.

Жарыста 12 мәмлекеттен 260 ға шамалас қатнасыўшы қатнасты. Өзбекстан делегациясы қурамында Бухара мәмлекетлик университети, Бухара мәмлекетлик техника университети, Қаршы мәмлекетлик университети ҳәм Азия халықаралық университетиниң студентлери қатнасты.

Өзбекстан командасы 4 алтын, 2 гүмис ҳәм 7 қола медалын қолға киргизди. Сондай-ақ, өзбекстанлы профессор-оқытыўшылар тәрепинен студентлер ушын шеберлик сабақлары өткерилди.

Өзбекстан студентлериниң бул жетискенлиги тек ғана олардың билим ҳәм излениўлерге болған қуштарлығын емес, ал елимизде илимге берилген жоқары итибардың нәтийжесин де айқын көрсетти.

Нигора Раҳмонова, ӨзА