Usı jıldıń 14-17-oktyabr kúnleri Ashxabad qalasındaǵı Maqtımqulı atındaǵı Túrkmenstan mámleketlik universitetinde IV Xalıqaralıq ximiya olimpiadası hám ximiya pánin oqıtıw boyınsha xalıqaralıq ilimiy-ámeliy konferenciya bolıp ótti.

Jarısta 12 mámleketten 260 ǵa shamalas qatnasıwshı qatnastı. Ózbekstan delegaciyası quramında Buxara mámleketlik universiteti, Buxara mámleketlik texnika universiteti, Qarshı mámleketlik universiteti hám Aziya xalıqaralıq universitetiniń studentleri qatnastı.
Ózbekstan komandası 4 altın, 2 gúmis hám 7 qola medalın qolǵa kirgizdi. Sonday-aq, ózbekstanlı professor-oqıtıwshılar tárepinen studentler ushın sheberlik sabaqları ótkerildi.
Ózbekstan studentleriniń bul jetiskenligi tek ǵana olardıń bilim hám izleniwlerge bolǵan qushtarlıǵın emes, al elimizde ilimge berilgen joqarı itibardıń nátiyjesin de ayqın kórsetti.

Nigora Rahmonova, ÓzA