Ҳәзирги күнлери Россия федерациясының Чуваш Республикасы Новочебоксарск каласында Белбеўли гүрес бойынша ересеклер арасында Жәҳән кубоги ҳәм Азия чемпионаты болып өтпекте

Бул жарысқа Өзбекстан сайланды командасы қурамында республикамыз ўәкиллери табыслы түрде қатнаспақта. Атап айтқанда, 9-октябрь күни өткерилген беллесиўлерде 52 кг салмақта Барно Қалмуратова финалға шекем жетип келди ҳәм гүмис медаль ийесине айланды.

Ал, 58 кг салмакта гүрескен Земфира Азатова болса, қола медалын жеңип алыўға миясар болды.

Бүгин өткерилетуғын Азия чемпионатында Өзбекстан сайланды командасы қурамында республикамыз палўанларынан 57 кг салмақта Жанарыс Шынбатыров, 62 кг да Ринат Муратбаев, 52 кг да Мөлдир Алимбаева ҳәм 58 кг да Шахло Қалмуратовалар беллесиўлерге түсип, елимиз абырайын қорғайды.

Адилбай Оразов,

Қарақалпақстан хабар агентлиги шолыўшысы