Házirgi kúnleri Rossiya federaciyasınıń CHuvash Respublikası Novocheboksarsk kalasında Belbewli gúres boyınsha eresekler arasında Jáhán kubogi hám Aziya chempionatı bolıp ótpekte

Bul jarısqa Ózbekstan saylandı komandası quramında respublikamız wákilleri tabıslı túrde qatnaspaqta. Atap aytqanda, 9-oktyabr kúni ótkerilgen bellesiwlerde 52 kg salmaqta Barno Qalmuratova finalǵa shekem jetip keldi hám gúmis medal iyesine aylandı.
Al, 58 kg salmakta gúresken Zemfira Azatova bolsa, qola medalın jeńip alıwǵa miyasar boldı.

Búgin ótkeriletuǵın Aziya chempionatında Ózbekstan saylandı komandası quramında respublikamız palwanlarınan 57 kg salmaqta Janarıs Shınbatırov, 62 kg da Rinat Muratbaev, 52 kg da Móldir Alimbaeva hám 58 kg da Shaxlo Qalmuratovalar bellesiwlerge túsip, elimiz abırayın qorǵaydı.

Adilbay Orazov,
Qaraqalpaqstan xabar agentligi sholıwshısı