Испанияның “Реал Мадрид” клубы футбол бойынша UEFA Чемпионлар лигасы тийкарғы дәўири екинши турында Қазақстанның “Қайрат” командасына қарсы ойын ушын қурамын жәриялады.

Ушырасыў 30-сентябрь күни саат 21:45 те Алматадағы Орайлық стадионда басланады ҳәм “Қазақстан” және “Қазспорт” телеканаллары арқалы жанлы эфирде көрсетиледи.

Бас тренер Хави Алонсо бул ушырасыўда тәжирийбели футболшыларға исенетуғынын билдирди. Олардың арасында Тибо Куртуа, Жуд Килиан Мбаппе, Беллингем, Винициус Жуниор сыяқлы жулдызлар бар.

Дәрўазаманлар: Тибо Куртуа, Андрей Лунин, Хави Наварро;

Қорғаўшылар: Давид Алаба, Раул Асенсио, Алваро Каррерас, Фран Гарсия, Дин Хейсен, Давид Хименес;

Ярым қорғаўшылар: Жуд Беллингем, Эдуардо Камавинга, Федерико Валверде, Орелен Чуамени, Арда Гюлер, Дани Себалос;

Ҳүжимшилер: Винисиус Жуниор, Килиан Мбаппе, Эндрик, Родриго, Гонсало Гарсия, Браим Диас, Франко Мастантуоно.

Дәслепки турда Алмата клубы сапарда “Спортинг” (Португалия) командасына 1:4 есабында жеңилди.

Алмата клубы енди “Реал Мадрид” (Испания), “Интер” (Италия), “Арсенал” (Англия), “Брюгге” (Белгия), “Олимпиакос” (Греция), “Пафос” (Кипр), “Копенгаген” (Дания) клублары менен ойнайды.

Тийкарғы басқышта жәми 36 команда қатнасады. Биринши тур усы жылы 16-сентябрьде басланса, сегизинши тур 2026-жыл 28-январьда болып өтеди. Плей-офф 16-18-февраль, 1/8 финал 10-11-март, 1/4 финал 7-8-апрель, 1⁄2 финал 28-29-апрель, финал 30-май күнлерине белгиленген.

Қарақалпақстан хабар агентлиги