Ispaniyanıń “Real Madrid” klubı futbol boyınsha UEFA CHempionlar ligası tiykarǵı dáwiri ekinshi turında Qazaqstannıń “Qayrat” komandasına qarsı oyın ushın quramın járiyaladı.

Ushırasıw 30-sentyabr kúni saat 21:45 te Almatadaǵı Oraylıq stadionda baslanadı hám “Qazaqstan” jáne “Qazsport” telekanalları arqalı janlı efirde kórsetiledi.
Bas trener Xavi Alonso bul ushırasıwda tájiriybeli futbolshılarǵa isenetuǵının bildirdi. Olardıń arasında Tibo Kurtua, Jud Kilian Mbappe, Bellingem, Vinicius Junior sıyaqlı juldızlar bar.
Dárwazamanlar: Tibo Kurtua, Andrey Lunin, Xavi Navarro;
Qorǵawshılar: David Alaba, Raul Asensio, Alvaro Karreras, Fran Garsiya, Din Xeysen, David Ximenes;
Yarım qorǵawshılar: Jud Bellingem, Eduardo Kamavinga, Federiko Valverde, Orelen CHuameni, Arda Gyuler, Dani Sebalos;
Hújimshiler: Vinisius Junior, Kilian Mbappe, Endrik, Rodrigo, Gonsalo Garsiya, Braim Dias, Franko Mastantuono.
Dáslepki turda Almata klubı saparda “Sporting” (Portugaliya) komandasına 1:4 esabında jeńildi.
Almata klubı endi “Real Madrid” (Ispaniya), “Inter” (Italiya), “Arsenal” (Angliya), “Bryugge” (Belgiya), “Olimpiakos” (Greciya), “Pafos” (Kipr), “Kopengagen” (Daniya) klubları menen oynaydı.
Tiykarǵı basqıshta jámi 36 komanda qatnasadı. Birinshi tur usı jılı 16-sentyabrde baslansa, segizinshi tur 2026-jıl 28-yanvarda bolıp ótedi. Pley-off 16-18-fevral, 1/8 final 10-11-mart, 1/4 final 7-8-aprel, 1⁄2 final 28-29-aprel, final 30-may kúnlerine belgilengen.

Qaraqalpaqstan xabar agentligi